أنا عمري ما هارجع هنا تاني
وأخدت قرار
حتى ولو تفكيري أناني
إن أنا امشي
عندي الإصرار
إني ابعد عن حضنك ليا
ده أساس الوهم
إن البيت هو الحرية
وفهمت الدرس
طول عمري بقول العمر طويل
فيه متعة كتير أو لذة نصر
والبيت معروف
فيه عيوب بلا حصر
والبعد أكيد
بقى له معانيه الجمالية
وخلاص البيت بالنسبالي
خلصت لذَّاته الوقتية
الشر أكيد وجبة شهية
وده شيء معروف وبكل يقين
إن أنا أقدر أعيش من غيرك
أنا عمري ما قلت
إن أنا محتاج أصلا خيرك
واخدت الخبرة من الماضي
دي العيشة مرار وأنا مش راضي
هل تريد قراءة قصة عودة الابن الضال أعد القراءة من أسفل لأعلى
أندرو مجدي - الأسكندرية