المقالة السابقة Prev Icon

لسة بتعلَّم قراية

من سلسلة: بأقلام القراء

“همزة الوصل” اللي بينا من سنين

“نبرة” الحزن اللي داواها الحنين

“كسرة” الفشل اللي سابت تشكيلات

“فتحة” الأمل اللي واقف من سُكات

“ضمة” الحب اللي تشهد عن أمانة

وسط “شدة” ضيقة أو كلمات إهانة

“حرف عطف” ربط ما بين كلمات تعاطف

أو “سكون” الروح في أوقات المخاوف

كل ده واكتر كتير

يحكي عن رب، ف رعايته وف أمانته مالوش مثيل

لسة قابل طفل زيي مهما عدَّى ف حكايات

لسة فاشل في القراية وف سماع التعليمات

لسة مش بيشوف ويسمع صوت إلهه ويعرفه

برضه لسة بيستهجَّى كل حاجة توقَّفه

لسة مش فاهم علامات التواصل

ولا “همزة الوصل” اللي بينا من سنين

ولا “نبرة” الحزن اللي داواها الحنين

أندرو مجدي - الإسكندرية