إبحث في المجلة
مودي إبراهيم - كفر صقر
قلبي ف بعاده
بيزيد فساده
وبشوق أحِنّ إليك
حبك يداوي
وانا جاي وناوي
أرمي بحملي عليك
والكلمة حية
تغسل بمَيه
قلبي اللي بين إيديك
بلجأ لشخصك
محتاج لحضنك
بحب إنت تضمني
رغم الأسيه
تدُّور عليا
وبحكمة إنت تردني
دا إنت ليا
وبتبني فيا
ولا شيء معاك هيهدني
فيك الأماني
شدِّد إيماني
ارفعني م الضعفات
قدني وراك
خلف خُطاك
أمشي بكل ثبات
توجِّه أموري
وتكونلي نوري
في وسط كل ظلام